حوار – صلاح صيام:
كشفت إليسيا يانكون، ابنة مدرب حراس مرمى النادي الأهلي ومذيعة ومنتجة محتوى إعلامي، عن تفاصيل حياتها في مصر وعلاقتها بخطيبها المصري علي عثمان.
قالت “يانكون”: “خطيبى “على عثمان” طيب وساعدنى فى عملى فى السوشيال ميديا، ورأيت فى مصر حاجات كثير جعلتنى أتمسك بالبقاء فيها، وأولها أن مصر أم الدنيا، وبحبها هي وشعبها“.
وأضافت ” يانكون”فى تصريحات إعلامية: شعرت أن مصر فيها طاقة مختلفة، وأن البقاء هنا سيكون طويلا، وانا “ليا عامين أعيش هنا، وأتمنى التحسن فى تعلم اللهجة المصرية، وعندى معلمة تعلمنى اللغة العربية والثقافة وحضارة المكان“.
وأضافت “عرفت من البداية أنى سأعيش فى مصر وهكمل حياتى هنا، وأشعر أنها مثل أوروبا، أسرتى من جنوب إيطاليا ونعيش فى بلجيكا، وهناك أشياء مشتركة بين مصر وجنوب إيطاليا، ومفيش فرق بينهما.
“جئت مصر زيارة واللي خلاني أحب أقعد وأستقر فيها حاجات كتير أولا إنها أم الدنيا، والناس ودودة وحبوبة وكريمة وإيجابية وجدعة وجانبي دايما، في مصر فيه سهر وشمس وبحر ومياه صافية وتاريخ وثقافة وكل حاجة، مفيش مدرسة في العالم مش بتدرس تاريخ مصر، وأنا حبيت مصر علطول لإني حسيت إنها أعطتني طاقة حلوة”.
وتابعت “فى البداية عملت فى الموديل والملابس، وهنا حبيت أن العالم يشوف مصر الجميلة وهى مش فى الأهرامات بس، وبحب الكرة علشان والدى، وحبيت أن الناس تشوف حياتى شكلها إيه، وبحب جمهور الأهلى وهما بيحبونى، وشرف ليا إنى بنت مدرب الأهلى“.
وقالت” يانكون” إنها وقعت في حب مصر منذ أن جاءت إليها قبل عامين، وأنها تشعر بأنها بلدها الثاني، وأنها تحب شعبها وثقافتها وحضارتها، وأشارت إلى أنها تتعلم اللغة العربية واللهجة المصرية مع معلمة خاصة، وأنها ترى في مصر طاقة مميزة تجذبها.
وأوضحت أنها تنحدر من أصول إيطالية، وأن أسرتها تعيش في بلجيكا، وأنها تجد تشابها بين مصر وجنوب إيطاليا في بعض الأشياء، وأنها لا تشعر بفرق كبير بينهما، وأضافت أنها بدأت حياتها المهنية كعارضة أزياء، ولكنها اتجهت إلى العمل في السوشيال ميديا لتظهر للعالم جمال مصر وتنوعها.
وعن خطيبها المصري قالت “بحب أم خطيبى وهو جدع وبيقف جنبى، وقلبه أبيض، وإيجابى وساعدنى كتير ومش بيتغير“.وأكدت أنها تحب أمه وتحترمها.
وقالت: “قلبه أبيض وجدع وطيب وإيجابي علطول وساعدني جدا، أنا مش بحب علي عثمان أنا بعشق أمه
وعبرت عن حبها لكرة القدم، وأنها تشجع النادي الأهلي، وأنها تفخر بأنها ابنة مدربه، وأنها تحظى بمحبة جمهوره.
وبزغرودة وبوسة على الرأس بارك علي عثمان خطبته لـ اليسيا يانكون نجلة مدرب حراس الأهلي ميشيل يانكون، عقب تتويج الأهلي ببطولة السوبر المصري والفوز على مودرن فيوتشر.
واحتفلت”ياكون”بخطبتها من علي عثمان، وسط أجواء احتفالية مع أصدقائه داخل مقصورة الـ VIP، باستاد محمد بن زايد بالإمارات عقب نجاح الأهلي في الفوز بلقب السوبر المصري, وقالت “الخطوبة تمت في أجواء فرحة وسعادة ، وقبلها العلاقة بدأت بالشغل وهو لقيته إنسان طيب وساعدني جدا في موضوع السوشيال ميديا وبعدين صار ما بينا قصة حب واتخطبنا”.
من جانبه قال علي عثمان: “أنا أهلاوي أبا عن جد، وفي إحدى المباريات روحت الاستاد لقيت بنت زي القمر في الاستاد ولما سألت صاحب عنها مين هي عرفني عليها، وشوفتها ويومها الأهلي كسب وبعد كام يوم لقيتها حضرت إيفنت شركتي بتنظمه، وقتها اتعرفت عليها واتكلمنا على أوجه التعاون في الشغل وبدأنا نتكلم في السوشيال ميديا والمحتوى اللي تحب تعمله في مصر، وهي بتفهمها وهي طايرة وابتدى يبقى فيه اجتماعات وسفر في إيطاليا والسعودية ودول تانية، ووصلنا في الآخر اتخطبنا“.
ولفت: “أنا وأليسيا بنقدم محتوى متقارب من بعض في الترويج للسياحة المصرية، وبعدين بقى فيه شغل وإعلانات وأنا نظمت له كل حساباتها على السوشيال ميديا، وهي مبتكرة وبتطلع الأفكار لوحدها وأنا بس كنت بنظملها إستراتيجية المحتوى والاتجاه اللي تمشي فيه، وحب الناس ليها كان كبير ونمسك الخشب“.
وأكد: “إحنا ماشيين في إجراءات الجواز ومش هينفع نتأخر في الجواز، وأنا حبيت في أليسيا كل حاجة وعندها أصول فلاحين زينا وجدعة ولذيذة ومسخرة وضحك علطول وعلطول بحس إنها صديقتي“.
